Një ngjarje e rëndë ka ndodhur këtë të enjte në Divjakë. Paraprakisht bëhet me dije se është gjetur i pajetë pronari i një hoteli, shtetasi Llambri Marku, 60 vjeç, në një nga dhomat e hotelit të tij.
Nga hetimet paraprake dyshohet se gjatë natës aksidentalisht është shkaktuar zjarr në dhomën ku qëndronte 60-vjeçari, i cili për pasojë është asfiksuar dhe më pas është djegur.
Divjakë/Informacion paraprak:
Rreth orës 10:30, në Divjakë, është gjetur i pajetë shtetasi Ll. M., 60 vjeç, në një nga dhomat e hotelit në pronësi të tij.
Nga veprimet paraprake dyshohet se gjatë natës aksidentalisht është shkaktuar zjarr në dhomën ku qëndronte 60-vjeçari, i cili për pasojë është asfiksuar dhe më pas është djegur.
Grupi hetimor, nën drejtimin e Prokurorisë Lushnjë, po punon për zbardhjen e rrethanave të ngjarjes.
